Shri Sant Gajanan Bahuuddeshiya Sanstha — serving the community through education, health and social welfare

महाराष्ट्रात सातपुड्याच्या पायथ्याशी असलेले चोपडा हे स्वातंत्र्यपूर्व काळापासून विविध घडामोडींचे केंद्र राहिलेले आहे. चोपडा तालुका तसेच शहराला राजकीय, सांस्कृतिक, सामाजिक व सांगीतिक (संगीत) असा वारसा लाभलेला आहे. 100 वर्ष पूर्ण झालेले नगर वाचन मंदिर हे ग्रंथालय आहे. दरवर्षी व्याख्यानमालेचे आयोजन होत असते. महाराष्ट्रातील नामवंत लेखक, कवी, साहित्यिक वक्ते व विचारवंतांच्या वाणीद्वारे चोपडेकर रसिकांची साहित्यिक, सामाजिक, सांगीतिक व सांस्कृतिक दृष्ट्या अपूर्वणी आहे. अर्थातच एक संपन्न वारसा लाभलेल्या चोपडा शहरात 2006 मध्ये श्री संत गजानन बहुउद्देशीय संस्था, चोपडा ह्या संस्थेची स्थापना श्री. मनोज चित्रकथी यांनी केली. संस्थेच्या घटनेत प्रामुख्याने संगीत, अपंग, बालक, वृद्ध, ITI ह्या विषयांना प्राधान्य देऊन ITI College (निःशुल्क संगीत विद्यालयाच्या) मूळवत करण्यात आले. प्रगती महिला मंडळ, बालवाडी, अंगणवाडी कोर्सेस सुरू करण्यात आले. शास्त्रीय उपशास्त्रीय संगीत हे महाराष्ट्राचाच नव्हे तर देशाच्या संस्कृतीचा अविभाज्य घटक आहे. नव-नवीन कलाकारांना संस्कृतीची जाण असावी या उद्देशाने संस्थेने गेल्या 12 वर्षांपासून राज्यस्तरीय नाट्यगीत गायन स्पर्धा आयोजित करीत आहे. संपूर्ण राज्यभरातून स्पर्धक व ख्यातनाम परीक्षक वर्ग ह्या कार्यक्रमांना हजर असतात. वेगवेगळे शास्त्रीय कला महोत्सव आजतागायत सुरू आहेत. मानव सेवा तीर्थ उपक्रमाद्वारे आम्ही रस्त्यावर भटकणारे बेवारस आणि आजाराने ग्रस्त असणारे व्यक्तींना पकडून त्यांचेवर उपचार करून त्यांची स्वच्छता करून आणि खाणे राहणे याची व्यवस्था करतो. ज्यांचे घराचा शोध लागतो त्यांना त्यांचे घरी सुखरूप पोहोचते करतो. हीच सेवा मानावाप्रती आणि ईश्वर चरणी समर्पित आहे. संस्थेमार्फत वारंवार शहरात स्वच्छते विषयक विविध उपक्रम राबवण्यात येतात.